"Барселона" бош мураббийи Ханс-Дитер Флик "Реал" билан ўйинда ўз ғояларидан воз кечмади.

Каталонияликлар "Сантьяго Бернабеу"да 4:0 ҳисобидаги ғалаба билан кўрсатган жасорати учун тақдирланди. Diario Sport қайд этганидек, Флик "Реал" билан учрашув олдидан ўйин тактикасини ўзгартиришдан атайлаб бош тортган: мураббий, агар у даҳшатли рақибга ютқазиб қўйишдан қўрқиб, одатдаги режаларидан четга чиқса, футболчилар уни жиддий қабул қилишмайди, деб ҳисоблаган.

Килиан Мбаппе ва Винисиус Жуниорга қарши ўта юқори ҳимоя чизиғида ўйнаш катта таваккальдек туюлди, аммо бу ўз самарасини берди: Мадридликлар 12 марта офсайдда қолди.