"Бавария" ярим ҳимоячиси Жамол Мусиала билан янги шартнома имзолашга ҳаракатни давом этмоқда.
21 ёшли юлдузнинг мюнхенликлар билан амалдаги шартномаси келаси мавсум якунланганидан кейин ўз ниҳоясига етади.
"Жамол – ажойиб футболчи ва бу унинг шартномасини узайтириш ва уни клубимизнинг янги юзига айлантириш истагимизнинг сабабларидан бири. Дриблингга келганда у ажойиб инстинктларга эга. Албатта, бундай ўйинчи жамоадошларини яхшилайди", - деди "Бавария" спорт директори Макс Эберл.
Якшанба куни Жамол Мусиала Венсан Компани жамоасига “Бохум”ни мағлуб этишда (5:0) ёрдам бериб, гол ва голли узатмани амалга оширди.
