“Спортинг” ўзининг расмий сайтида португалиялик мутахассис Рубен Аморим жамоа бош мураббийлигидан кетишини маълум қилди.
Шунингдек, “Спортинг” 39 ёшли мураббий “Манчестер Юнайтед”нинг янги бош мураббийи бўлишини ҳам маълум қилди.
Таъкидланишича, Португалия клуби "қизил иблислар"га мураббийнинг клуб билан шартномаси муддатидан олдин бекор қилиниши 10 миллион еврога баҳоланаётгани ҳақида маълум қилган.
Аввалроқ, ОАВда инглиз клуби яна бир мавсумга узайтириш имконияти билан икки йиллик шартнома таклиф қилгани ҳақида маълумот пайдо бўлганди.
