"Ливерпуль" бош мураббийи Арне Слот Лига кубоги доирасида "Брайтон"га қарши ўйин олдидан жамоадаги кадрлар ҳолати ҳақида гапирди.
"Конор Брэдли яна биз билан машғулот ўтказмоқда. Балки у эртага сафда бўлиши мумкин. Жота ўйнамайди, Алиссон ўйнамайди, Эллиотт ўйнамайди ва Кьеза ўйнамайди.
Кьеза қачон сафга қайтади? Ўйинчининг ҳолати кўтарилиб, пасайиб боргани учун башорат қилиш ҳар доим қийин. Мен ҳеч қандай муддат беришни хоҳламайман, чунки футболчига босим ўтказмоқчи эмасман. Менимча, биз оптимал формага киришни кутишимиз керак", деди Слот матбуот анжуманида.
"Брайтон" ва "Ливерпуль" ўртасидаги Лига кубоги 1/8 финал учрашуви 30 октябрь куни Тошкент вақти билан соат 00:30да бошланади.
