"Ливерпуль" бош мураббийи Арне Слот Федерико Кьеза билан боғлиқ вазият ҳақида гапирди. Қанот футболчиси ўтган ёзда "Ювентус"дан кўчиб ўтгандан сўнг "қизиллар" сафига қўшилганди.
Италиялик футболчи Англияда дебют қилишдан олдин формага кириши учун анча вақт талаб қилди, кейин эса бор-йўғи учта ўйин ўтказиб, жароҳат олди.
"Кьеза январда ижара асосида кетадими? Мен бу ҳақда ўйламаган эдим. Ҳозир у формага кириб олиши керак, кейин кўрамиз. У бизнинг мавсумолди машғулотларимизда қатнашмади ва "Ювентус"да у лойиҳадан ташқарида бўлгани учун паст интенсивлик билан машғулот ўтказди.
Бундай ёздан кейин Англия Премьер-лигасида дарҳол ўзини кўрсатиш ҳар қандай футболчи учун қийин бўларди. Биз бунга тайёр эдик. Ҳозир биз уни ортиқча юклама бермасдан тезда майдонга қайтариш йўлини қидирмоқдамиз. Ҳозирча ҳаммаси яхши кетаётгани йўқ", — дейди Слот.
