«Манчестер Юнайтед»нинг собиқ футболчиси Пол Скоулз жамоага мос келадиган мураббий номини айтди. «Қизил иблислар» душанба куни Эрик тен Хаг истеъфога чиққанини эълон қилди.

«Менимча, «Манчестер Юнайтед» учун тўғри номзод Томас Тухель бўлади. Лекин у Англия терма жамоаси билан ишлайди. Ва у катта клубни қандай бошқаришни ва катта ўйинларда ғалаба қозонишни билади. У буни уддалай оларди”, деди Скоулз "The Overlap" нашрига.

«Манчестер Юнайтед» айни дамда Лиссабоннинг «Спортинг» клубидан Рубен Аморимни бош мураббийликка таклиф қилиш устида ишламоқда.