Юрген Клопп "Руд Булл" раҳбарияти аъзоси бўлиши билан боғлиқ танқидларга жавоб берди.
"Майнц", "Боруссия" ва "Ливерпул"нинг собиқ мураббийи ушбу компаниянинг футбол бўлими бошлиғи бўлди. У 1 январдан иш бошлайди.
Қарор танқидларга сабаб бўлди, жумладан, собиқ мураббийни "футболни реклама мақсадида суиистеъмол қиладиган ва рақобатни бузадиган" инсон сифатида кўришмоқда.
"Мен "Ред Булл" мутасаддиларига ҳеч қачон бунчалик танқидий назар билан қарамаганман.
Мен, албатта, ҳеч кимнинг "думини босиш"ни хоҳламадим. Шахсан мен барча собиқ клубларимни яхши кўраман. Ҳаммани хурсанд қилиш учун нима қилишим мумкинлигини аниқ билмайман", деди Клопп.
