Миланнинг “Интер” клуби бош мураббийи Симоне Индзаги “Эмполи”га (3:0) қарши ўйин натижаларини сарҳисоб қилди.
“Нерадзуррилар” А Сериянинг ўнинчи туридан ўрин олган учрашувда Давиде Фраттезининг дубли ва Лаутаро Мартинеснинг аниқ зарбаси эвазига устунликни қўлга киритди.
"Йигитлар яхши ҳаракат қилишди ва қийин вазифани бажаришди. Биринчи бўлимда биз тўп билан тезкор ҳаракат қилмадик ва футболчиларга тезликни пасайтирмасликларини айтдим, чунки эртами-кечми рақиблар чарчаб қолишлари мумкин эди.
Охирги ўйиндан сўнг ("Ювентус" билан 4:4) жуда муҳим ғалабага эришдик, бу ғалабага кўпроқ лойиқ эдик", - дея Индзагининг сўзларини келтиради журналист Алфредо Педулла.
