"Барселона" вингери Рафинья Диас Бразилиядаги ҳаётининг бошида дуч келган қийинчиликлар ҳақида гапирди.
"Мен Рестинга шаҳриданман. У ерда адашмаслик қийин. Одамларга пул топишнинг осон йўллари таклиф қилинади ва одамлар адашади.
Мен адашмадим, лекин шундай воқеаларга гувоҳ бўлдим. Мен жиноят ва гиёҳванд моддалар савдоси оламида кўплаб дўстларимни йўқотдим.
Мендан 10 марта яхшироқ ўйнаган ва энди дунёнинг энг яхши клубларида ўйнай оладиган дўстларим бор.
Бу каби мисоллар диққатимни жамлашга ёрдам берди. Мен футболчи бўлишни хоҳлаётганимни билардим.
Ўз ҳудудингни тарк этиб, бунга эришиш катта қурбонликдир", - дея Рафиньянинг сўзларини келтиради UOL Esporte.
