Сўнгги маълумотларга кўра, яқин ҳафталарда "Манчестер Юнайтед"ни бошқариши кутилаётган португалиялик мураббий Рубен Аморим "Манчестер Юнайтед" вингери Маркус Рэшфорднинг футбол маҳоратига юқори баҳо берди. Бу ҳақда Team Talk хабар бермоқда.
Манбага кўра, португалиялик мутахассис қисқа вақт ичида англиялик футболчининг ўйинини сезиларли даражада яхшилашга ва ўзига бўлган ишончни қозонишига ёрдам беришга қодир, деб ҳисобламоқда. Ўз навбатида Рэшфорд ҳам Аморимнинг клубга келганидан мамнун.
Аввалроқ, англиялик футболчи ўз агентига "Манчестер Юнайтед"ни тарк этиш нияти ҳақида маълум қилгани ва ундан янги клуб топишни сўрагани хабар қилинганди.
