"Бавария" бош мураббийи Венсан Компани Германия Бундеслигасининг 9-туридан ўрин олган "Унион Берлин"га қарши ўйин олдидан икки ҳимоячи Упамекано ва Дайер йўқлиги ҳақида гапирди. Учрашув 2 ноябрь, шанба куни бўлиб ўтади.
"Ўйинчилар йўқлиги ачинарли. Бизда 18 нафар футболчи бор, шунинг учун менда бу позиция учун 18 та вариант бор. Шубҳасиз, сўнгги бир неча ҳафта ичида жуда кўп ўйинлар бўлди. Мен бошқа йигитлар ва жамоага тўлиқ ишонаман. Эрик Дайер ва Упамекано бу позицияда етишмаётган ягона футболчилар эмас", - дейди мураббий.
Жорий мавсумда Венсан Компани бошчилигидаги “Бавария” Германия Бундеслигасида 8 та ўйин ўтказиб, 20 очко жамғарган.
