«Рома» ҳужумчиси Артём Довбик 3 ноябрь куни бўлиб ўтадиган «Верона»га қарши А Серия 11-тури доирасидаги сафар ўйинини ўтказиб юбориш хавфи бор.

27 ёшли украиналик футболчи 1 ноябрь куни Рим клубининг машғулотларида иштирок этмади. Унинг кейинги ўйиндаги иштироки сўроқ остида.

2 ноябрь куни жамоани «Верона» билан учрашувга юборишдан олдин ҳал қилувчи текширув ўтказилади.

Футболчи истима туфайли 31 октябрь куни «Торино»га қарши майдонга тушмади. Ўйин бошланишидан олдин унинг тиззасида ноқулайлик борлиги ҳам хабар қилинганди.

Италия клуби сафида 12 та ўйинда майдонга тушган ҳужумчи 5 та гол урди ва голли узатмани амалга оширди.