"Спортинг" бош мураббийи Рубен Аморим Португалия чемпионатининг 10-тури доирасидаги "Эстрела" устидан қозонилган ғалабадан сўнг (5:1) "Манчестер Юнайтед"га ўтиши ҳақида фикр билдирди.
"Мавсум бошида мен президент билан гаплашдим ва нима бўлишидан қатъий назар, бу менинг "Спортинг"даги сўнгги мавсумим эканлигини айтдим. Мавсум жуда яхши бошланди, кейин "Манчестер Юнайтед" келиб, товон пулини тўлади. Мен президент билан ҳеч қачон баҳслашмаганман...
"Манчестер Юнайтед"дан мавсум охирида жамоага қўшила оламанми, деб сўрадим. Бу мен хоҳлаган нарса эди, аммо "Манчестер Юнайтед" рад этди. Вазият "Ҳозир ёки ҳеч қачон" эди, шунинг учун мен қарор қабул қилишим керак эди ва мен "Ҳа" дедим, - деб Аморим сўзларини келтиради PortuGOAL.
