«Арсенал» бош мураббийи Микель Артета «Ньюкасл»га (0:1) қарши ўйиндан сўнг Мартин Эдегорнинг йўқлиги ҳақидаги саволга жавоб берди.
«Ҳа, ҳозир у бизга ёрдам бера олмайди, биз бу ҳақда чексиз гапиришимиз мумкин, аммо Мартин бир неча ҳафтадан бери бизга етишмаётганини тушунишимиз керак, биз усиз ўйнай олишимиз керак. Биз бор эътиборимизни ўз ўйинимизга қаратишимиз ва олдинга боришимиз керак, «Ньюкасл»ни ғалаба билан табриклайман», — дея Артета сўзларини келтиради "Football London".
Эслатиб ўтамиз, Эдегор Норвегия терма жамоаси сафида сентябрдаги ўйинда жароҳат олган эди. Жорий мавсумда ярим ҳимоячи "канонирлар" сафида бор йўғи учта ўйинда майдонга тушди.
