"Реал Мадрид" бош мураббийи Карло Анчелотти жамоа муаммоларига ечим изламоқда.
Бу мавсумда "Лос Бланкос" ўтган ғалабали мавсумдагидек барқарор эмас. Мадридликлар Ла Лиганинг сўнгги турида ўз майдонида “Барселона”га йирик ҳисобда мағлуб бўлди (0:4).
Турнир жадвалида "кўк-анорранглилар" билан орадаги фарқ аллақачон тўққиз очкони ташкил қилмоқда.
Relevo хабарига кўра, Анчелотти вазиятни синчковлик билан таҳлил қилиб, ҳозирги "Реал"нинг асосий муаммоси ҳимоявий ўйин деган хулосага келган.
Хусусан, манба қайд этганидек, италиялик мураббий жамоа прессингини яхшилаш учун муқобил ечимларни қидирмоқда.
