"Манчестер Сити" бош мураббийи Пеп Гвардиола жамоадан кутилаётган нарсалар ҳақида гапирди.

Шанба куни "шаҳарликлар" бу мавсумда Премьер-лигада илк бор "Борнмут"га ютқазиб қўйди (1:2). Сешанба куни Англиянинг амалдаги чемпиони Лиссабонда "Спортинг" билан ЕЧЛ учрашуви ўтказади.

"Биламан, одамлар биз барча 38 та ўйинда 5:0 ҳисобида ғалаба қозонишимиз, ҳар мавсумни требл билан якунлашимизни кутишади, чунки бу бизнинг стандартимиз.

Лекин мен стандартларимизни биламан. АПЛда битта ўйинда ютқаздик. Эҳтимол, биз "Брайтон," "Тоттенхэм," "Ливерпуль" ва бошқаларга ютқазармиз. Лекин ҳозирча бизда фақат битта мағлубият бор! Биз "Ливерпуль"дан бор-йўғи икки очкога орқада қолмоқдамиз," - дея Гвардиоланинг сўзларини келтирмоқда City Xtra.