"Манчестер Сити" бош мураббийи Пеп Гвардиола Англия премьер-лигасида жамоаларнинг ўртача савияси сезиларли даражада ошганини тан олди.
Охирги турда «шаҳарликлар» «Борнмут»га (1:2) мағлуб бўлишди - бу ўтган йилнинг декабрь ойидан бери чемпионатдаги илк мағлубиятдир.
"Ўртамиёна жамоаларнинг савияси ақл бовар қилмас даражада ошди. Топ жамоалар ҳар доим кучли бўлган: "Манчестер Юнайтед", "Челси", "Манчестер Сити", "Ливерпуль", "Арсенал", сўнгги йилларда "Ньюкасл" ва "Тоттенхэм"ни кўриш мумкин.
Аммо “Фулхэм”, “Брентфорд”, “Борнмут”га қараганингиздан сўнг яна фикрлар ўзгаради. Кечирасиз, кўпчилик жамоалар юқори савияда ўйин кўрсатаяпти, деган бўлардим.
Биз “Вульверхэмптон” ва “Саутгемптон”га қарши ўйинларда ҳам азоб чекдик!", - деди Гвардиола.
