Неймарнинг янги жароҳатидан кейин тикланиш муддати маълум бўлди.
"Ал-Ҳилол" ҳужумчиси "Истиқлол" билан ўйиннинг (3:0) 58-дақиқасида захирадан майдонга тушди ва 87-дақиқада тиззасидан олган жароҳати сабаб майдонни тарк этди.
Саудия Арабистони клуби бош мураббийи Жорже Жезушнинг айтишича, бразилиялик футболчи камида икки ҳафта майдонга туша олмайди.
"Унинг тиззаси тузалиб кетди, аммо ҳозир унда мушаклари билан боғлиқ муаммолар бўлади, чунки у узоқ вақтдан бери ўйнамаганди", деди Жезуш.
Эслатиб ўтамиз, Неймар тиззасидан олган жароҳати туфайли бир йилдан бери майдонга тушмаётганди. У октябрь ойида майдонга қайтди ва иккита учрашувда жами 43 дақиқа ҳаракат қилди.
