Сешанба оқшомида Мадриднинг “Реал” клуби Чемпионлар лигаси умумий босқичининг 4-турида ўз майдонида “Милан”дан мағлуб бўлиб (1:3) ўз мухлисларини ранжитди.
Ўйиндан сўнг Мадрид жамоаси бошқарувчиси Карло Анчелотти Килиан Мбаппе ёзги трансферидан сўнг "Реал"га зарар етказдими ёки йўқми деган саволга жавоб берди.
"Йўқ, кийиниш хонасида ҳаммаси яхши. Бизнинг муносабатимиз, машғулотларимиз ҳақида кўп танқидлар бўлади... Биз бу танқидни қабул қилишга мажбур бўламиз. Биз яхши иш қилмаяпмиз, яхшироқ ўйнашни истаймиз", - дейди Анчелотти.
“Реал Мадрид” навбатдаги ўйинини 9 ноябрь, шанба куни ўз майдонида “Осасуна”га қарши ўтказади.
