Пеп Гвардиола Рубен Аморим билан бўлажак учрашувлар ҳақида гапирди.
Гвардиола бошчилигидаги «Манчестер Сити» сешанба куни Чемпионлар лигаси доирасида Аморимнинг «Спортинг» жамоасига 1:4 ҳисобида мағлуб бўлди.
Португалиялик мураббий тез орада «Манчестер Юнайтед»га ўтади.
"Биз улар билан икки марта Премьер-лигада ва эҳтимол Англия кубогида учрашамиз. Чемпионлар лигасида бу содир бўлмайди.
Мен учрашган барча мураббийлардан, жумладан, Рубендан ҳам ўрганаман. Тушунишингиз керакки, мен «Юнайтед» билан бўлажак тўқнашувлар ҳақида эмас, балки энг яхши формамизга қайтишимиз учун нима қилишимиз кераклиги ҳақида ўйлаяпман.
Аморим нимага эришишини билмайман. У биздан кўра муваффақиятли бўладими, билмайман. Биз кутишимиз керак.
Албатта, мен уни кўрганимдан ва унга энг яхши тилакларимни билдирганимдан хурсандман, лекин кейинги икки, уч, тўрт йил ичида Рубен билан нима бўлишини билмайман. Бу саволга фақат Рубеннинг ўзи жавоб бера олади", - деди Гвардиола.
