Португалиялик агент Пауло Барбоса "Ал-Ҳилол" бразилиялик ҳужумчиси Неймардан ажралиши мумкинлиги ҳақида гапирди.
Агентнинг фикрича, Неймар жароҳати туфайли Саудия Арабистонида ўзини кўрсата олмади.
"У у ерда мослаша олмади. Буларнинг барчаси можарога олиб келди. Бу ҳақда айтилмаганди, аммо у мураббий билан зиддиятга тушиб қолганди. Мураббий Неймарнинг мотивацияси йўқлигидан хурсанд эмасди", - деди Барбоса.
Эслатиб ўтамиз, 32 ёшли бразилиялик ҳужумчи 2023 йилнинг ёзидан буён "Ал-Ҳилол" сафида ўйнаб келмоқда. Бу вақт ичида у етти учрашувда майдонга тушиб, битта гол урди ва учта голли узатмани амалга оширди. Неймарнинг Саудия клуби билан амалдаги шартномаси жорий мавсум охирида якунига етади.
