Opta Суперкомпьютери Чемпионлар Лигасининг 2024/25 йилги мавсумининг чемпиони ким бўлиши борасида тахмин билдирди.

Турнирнинг чемпионлиги учун Англиянинг “Манчестер Сити” жамоаси асосий фаворит бўлиб турибди. “Шаҳарликлар”нинг чемпионлик учун имконияти 19 фоизга баҳоланмоқда. Қайд этиб ўтиш керак, Пеп Гвардиола жамоаси 4-турда “Спортинг”га 1:4 ҳисобида мағлубиятга учради.

Ҳозирда турнир жадвалида Англиянинг бошқа бир жамоаси — “Ливерпуль” 1-ўринни эгаллаб турибди. Жамоа 4 турдан сўнг 12 очко жамғарган. Мерсисайдликларнинг чемпионлик учун имконияти 17 фоизга баҳоланган. 3-ўринни эса Италиянинг “Интер” (12%) клуби эгаллаб турибди.

Кучли бешликни эса “Барселона” (9%) ҳамда “Арсенал” (8%) якунлаб берган.

Мусобақанинг амалдаги ғолиби — "Реал" ҳамда Португалиянинг "Спортинг" клубларининг ғолиблик учун имкониятлари 6 фоизга баҳоланган.