"РБ Лейпциг" ҳужумчиси Беньямин Шешко ёзги трансфер ойнасида Лондоннинг "Арсенал" клубига ўтишдан бош тортди.
Словениялик футболчи Англия пойтахтига кўчиб ўтиш ўрнига ҳозирги клуби билан узоқ муддатли янги шартнома имзолади. Журналист Сами Мокбелнинг сўзларига кўра, 21 ёшли футболчи Микель Артета жамоасида Кай Хаверцнинг ўринбосари бўлишни истамаган. Истиқболли форвардга "канонирлар"нинг асосий таркибидан жой кафолатланмаган, бу эса уни "РБ Лейпциг"да қолишга ундаган.
Беньямин Шешконинг шартномасида 55 миллион фунт стерлинг (тахминан 66 миллион евро) миқдорида товон пули мавжуд.
