Тошкентдаги “Ҳумо арена” мажмуасида ўтаётган аралаш жанг санъати турлари (ММА) бўйича ёшлар ва катталар ўртасидаги жаҳон чемпионатининг чорак финалида Ўзбекистон терма жамоасининг 41 нафари ярим финал йўлланмаси учун кураш олиб борди.
Улар орасида вазни 93 кг. бўлган Шамшод Шукуров Ангола вакили Андерсон Гувеияни очколар ҳисобида енгди. 97 кг. вазн тоифасидаги беллашувларда Асрорбек Анваржонов қозоғистонлик Мелс Шилмурзаевни муддатидан аввал енгган бўлса, ушбу вазндаги иккинчи спортчимиз Исломбек Қодиров болгариялик Жоржи Христовни 2-раундда техник нокаутга учратиб, ярим финал йўлланмасини қўлга киритди. Вазни 65,8 килограммгача бўлган Зафар Рашидов арманистонлик рақиби Арусханян Нарекни илк раундда техник нокаутга учратди. 56,7 кг. вазнда мамлакатимиз шарафини ҳимоя қилган Фирдавс Ҳайитматов португалиялик Марио Феррейра устидан ҳакамларнинг якдил қарорига кўра ғалаба қозонди.
Шу тариқа, кун давомида ўтказилган муросасиз баҳслар якунига кўра, Ўзбекистон терма жамоасининг 29 нафар ММА устаси ўз вазн ва ёш тоифасида ярим финал йўлланмасига эга бўлди. Энди улар бугун сўнгги ҳал қилувчи финалга чиқиш учун беллашади.
%20%D0%B1%D1%9E%D0%B9%D0%B8%D1%87%D0%B0%20%D1%91%D1%88%D0%BB%D0%B0%D1%80%20%D0%B2%D0%B0%20%D0%BA%D0%B0%D1%82%D1%82%D0%B0%D0%BB%D0%B0%D1%80%20%D1%9E%D1%80%D1%82%D0%B0%D1%81%D0%B8%D0%B4%D0%B0%D0%B3%D0%B8%20%D0%B6%D0%B0%D2%B3%D0%BE%D0%BD%20%D1%87%D0%B5%D0%BC%D0%BF%D0%B8%D0%BE%D0%BD%D0%B0%D1%82%D0%B8%D0%BD%D0%B8%D0%BD%D0%B3%20%D1%87%D0%BE%D1%80%D0%B0%D0%BA%20%D1%84%D0%B8%D0%BD%D0%B0%D0%BB%D0%B8%D0%B4%D0%B0%20%D0%8E%D0%B7%D0%B1%D0%B5%D0%BA%D0%B8%D1%81%D1%82%D0%BE%D0%BD%20%D1%82%D0%B5%D1%80%D0%BC%D0%B0%20%D0%B6%D0%B0%D0%BC%D0%BE%D0%B0%D1%81%D0%B8%D0%BD%D0%B8%D0%BD%D0%B3%2041%20%D0%BD%D0%B0%D1%84%D0%B0%D1%80%D0%B8%20%D1%8F%D1%80%D0%B8%D0%BC%20%D1%84%D0%B8%D0%BD%D0%B0%D0%BB%20%D0%B9%D1%9E%D0%BB%D0%BB%D0%B0%D0%BD%D0%BC%D0%B0%D1%81%D0%B8%20%D1%83%D1%87%D1%83%D0%BD%20%D0%BA%D1%83%D1%80%D0%B0%D1%88%20%D0%BE%D0%BB%D0%B8%D0%B1%20%D0%B1%D0%BE%D1%80%D0%B4%D0%B8.&image=%2Fimages%2Fnews%2Fmma-wc.jpg&noparse=true){kind=link}