Амстердамда маҳаллий "Аякс" ва Тель-Авивнинг "Маккаби" клуби ўртасидаги футбол ўйинидан сўнг камида ўн нафар исроиллик мухлис ҳужумга учради.
Бу ҳақда Исроил ташқи ишлар вазирлиги маълум қилди.
Жабрланганларнинг аҳволи номаълум.
Ynet порталининг даъво қилишича, ҳужумчиларнинг бир қисми Фаластин байроқларини кўтариб, шиорлар айтишган. Нашр 30 га яқин одам ҳибсга олингани ҳақида хабар бермоқда.
Исроил Бош вазири Беняьмин Нетаньяху исроилликларни эвакуация қилиш учун Амстердамга иккита самолёт юборди. У Нидерландия ҳукуматидан Исроил фуқароларининг хавфсизлигини таъминлаш учун "тўполончиларга қарши тезкор ва қатъий чоралар" кўришни талаб қилди.
