"Реал" бош мураббийи Карло Анчелотти жамоа ҳужумчиси Килиан Мбаппе бошидан кечираётган инқироз ҳақида гапирди.
"У яхши машқ қилади, лекин ҳаммамиз каби қийин кунларни бошдан кечирмоқда. Аммо бу имконият деб ўйлашингиз керак. Агар сиз ақлли бўлсангиз, тўғри концентрация ва муносабат билан нарсаларни тезда ўзгартиришингиз мумкин. Муаммоларни қандай ҳал қилиш мумкин.
У қийналаётган муаммо ҳамманинг муаммоси: у ўзини энг яхши тарзда кўрсата олмайди. Аммо бу вазиятни келажакда яхшироқ бўлиш имконияти сифатида қабул қилишингиз керак. Ишончим комилки, у ҳамма нарсани ўзгартиради", - дея Анчелотти сўзларини келтиради Football Espana.
