Роберто Мартинес бошчилигидаги Португалия терма жамоаси мураббийлар штаби ноябрь ойидаги Миллатлар лигаси ўйинлари учун терма жамоага чақирилган футболчилар рўйхатини эълон қилди.
"Лацио" ҳимоячиси Нуну Тавареш Португалия терма жамоасига дебют чақирувини олди. Чақирилганлар орасида терма жамоанинг доимий сардори Криштиану Роналду ҳам бор.
15 ноябрь куни Португалия ўз майдонида Польша билан, 18 ноябрь куни эса Хорватия билан меҳмонда баҳс олиб боради. Миллатлар лигасининг чорак финалига чиқиш учун португалияликларга 1 очко тўплаш кифоя.
