"Барселона" марказий ҳимоячиси Пау Кубарси навбатдаги ўйинда иштирок этишдан умидвор.
Испаниялик футболчи Чемпионлар лигаси доирасидаги "Црвена Звезда"га қарши ўйинида (5:2) юзидан жароҳат олиб, алмаштирилишга мажбур бўлди. 17 ёшли футболчига ўнта чок қўйилган, аммо унинг кейинги ўйинда иштирок этиши истисно этилмаган. Журналист Ферран Мартинеснинг сўзларига кўра, марказий ҳимоячи шанба куни ҳимоя ниқобида машқ қилади. Агар Кубарси машғулотдан кейин ўзини яхши ҳис қилса, Ханс-Дитер Флик уни якшанба кунги учрашувда асосий таркибда майдонга тушириши мумкин.
"Реал Сосьедад" - "Барселона" учрашуви Тошкент вақти билан соат 01:00да бошланади.
