"Ливерпуль" бош мураббийи Арне Слот жамоа бошқарувидаги илк мавсуми ҳақида гапирди.

"Мураббий сифатида клубга келганингизда маълум миқдордаги ўйинлардан сўнг қанча очко олишингиз ҳақида ўйламайсиз. Ўйин услубингизни ўзгартириш ёки уни бир хил сақлаш ҳақида ўйлаяпсизми? Услубни ўзгартириш учун машғулот майдонида ва ўйин вақтида кўп меҳнат талаб этилади. Мен ўйлаган ягона нарса, қандай қилиб янги услубни жорий қилиш ва ўйинчилар энг яхши ўйин кўрсатишда давом этишига ишонч ҳосил қилиш эди", деди Слот, "Ливерпуль"нинг жорий мавсумдаги муваффақияти ҳақида сўралганда.