"Астон Вилла" бош мураббийи Унаи Эмери АПЛ доирасида "Ливерпуль"га қарши (0:2) мағлуб бўлган ўйин ҳақида гапирди.

Арне Слот шогирдлари 20-дақиқада Дарвин Нунеснинг саъй-ҳаракатлари билан ҳисобни очган бўлса, 84-дақиқада Муҳаммад Салоҳ якуний натижани таблога ёздириб қўйди.

"Биз режамиз бўйича ўйнадик. Гол уриш учун имкониятларимиз бор эди. Балки "Ливерпуль"га қарши ўйин охирида пенальти бўлиши керак эди, аммо биз ҳакамнинг қарорини қабул қилишимиз керак.

Рақиб иккинчи голни урганида, натижа озми-кўпми аниқ бўлди, аммо ўша пайтгача бизда ҳисобни тенглаштириш учун имкониятлар бўлди. Биз ҳимояда яхши ўйнадик, сабр қилдик ва ҳатто "Ливерпуль" тўпга эга бўлганда ҳам ўзимизни қулай ҳис қилдик", деди Эмери.