"Ливерпуль" Арне Слотт қўл остида ажойиб натижаларни кўрсатишда давом этмоқда.
Шанба куни "қизиллар" ўз майдонида "Астон Вилла"ни мағлуб этиб (2:0) АПЛ турнир жадвалидаги пешқадамлигини мустаҳкамлади. Squawka хабарига кўра, Слот 2009 йилдан бери дебют мавсумида Премьер-лигадаги 11 та ўйиннинг камида тўққизтасида ғалаба қозонган биринчи мураббий бўлди. Бундан 15 йил олдин, ўша пайтда Лондоннинг "Челси" клубини бошқарган Карло Анчелотти бу ишни уддасидан чиққанди.
"Ливерпуль" 11-турдан кейин 28 очкога эга. Мерсисайдликлар иккинчи ўриндаги "Манчестер Сити"дан 5 очко олдинда.
