Мадриднинг “Реал” клуби бош мураббийи Карло Анчелотти Ла Лиганинг 13-туридан ўрин олган “Осасуна”га (4:0) қарши ўйин натижаларини сарҳисоб қилди.
"Биринчи бўлимдаги учта жароҳат жуда ғалати нарса бўлди. Тақвим талаблари ўйинчиларга дам олиш ва тетик бўлишга имкон бермайди.
Учрашув яхши ўтди. Биз шошмасдан ўйинни назорат қилдик. Муаммо учта жароҳатда. Бутун ўйин давомида биз эҳтиёткорлик билан, таваккал қилмасдан, яхши жамоавий фидойилик билан ўйнадик", - дейди Анчелотти.
Ўйин давомида "Реал" Родриго, Лукас Васкес ва Эдер Милитаони жароҳат туфайли алмаштирди.
