Эрик тен Хаг ишдан бўшатилгач, Руд ван Нистелрой "Манчестер Юнайтед"га вақтинчалик бош мураббий бўлди. Нидерландиялик мураббий бошчилигидаги тўртта ўйинда жамоа учта ғалаба ва бир дурангга эришди.
"Мана шу тўртта ўйиндан унумли фойдаланайлик. Менимча, биз яхши иш қилдик. Бу қисқа, аммо ажойиб давр эди. Биз ноаниқ ҳолатда эдик, лекин биз ўз вазифамизни бажаришга ва клубга ёрдам беришга ҳаракат қилдик.
Мухлислар мени ва жамоани қўллаб-қувватлашди, бу ўзгача лаҳза бўлди. Биз даврни яхши натижалар билан якунладик, аммо бу мухлисларга миннатдорчилик билдириш учун етарли эмас", деди ван Нистелрой.
Рубен Аморим душанбадан бошлаб "Манчестер Юнайтед" бош мураббийи лавозимига киришади.
