Руди Гарсия "Рома"га Иван Юрич ўрнига таклиф қилинган.
Рим клуби 18 сентябрь куни Даниэле де Россининг ўрнига жамоани қабул қилиб олган хорватиялик мутахассисни истеъфога чиқарди. Унинг қўл остида жамоа бор йўғи 12 ўйин ўтказиб, 4 та ғалаба қозонган, 5 та мағлубият аламини тотиб кўрган ва 3 марта дуранг ўйнаган.
Журналист Альфредо Педулланинг ёзишича, ўтган ҳафта давомида "Рома"га камида 6-7 нафар мураббий таклиф қилинган, жумладан Руди Гарсия.
Франциялик мураббийнинг сўнгги иш жойи "Наполи" бўлиб, у 2023 йилнинг июнидан ноябригача мураббийлик қилган. Гарсия 2013 йилдан 2016 йилгача "Рома"да ишлаган.
Олдинроқ "бўрилар" раҳбарияти Роберто Манчинини мураббийликка таклиф қилмоқчи эканлиги ва Клаудио Раньери муқобил вариантлардан бири сифатида кўрилаётгани ҳақида хабар берилганди.
