"Реал Сосьедад" бош мураббийи Иманол Альгуасиль "Барселона" билан ўйиндаги ғалабадан кейин (1:0) ўз таассуротлари билан ўртоқлашди.
Басклар жамоаси "кўк-анорранглилар"нинг даҳшатли ҳужумини тўхтатиб, нишонга бирорта ҳам зарба беришга имкон бермади. Мезбонларга ғалабани 33-дақиқада Шералдо Беккернинг голи келтирди.
"Менга футболчиларнинг кураши жуда ёқди. Учрашув мазмунидан келиб чиққан ҳолда, мен ҳар қандай натижадан фахрланардим, аммо биз ғалаба қозонишни хоҳладик. Бугун футболчиларимиз ва мухлисларимиз стадионни хурсандчилик билан тарк этишмоқда.
"Барселона"нинг бекор қилинган голи билан эпизодми? Такрорий вазиятни кўрмадим, аммо рақиб мағлубиятга лойиқ эди. Учрашувнинг 1-дақиқасидан 95-дақиқасигача бўлган суратини ҳисобга олсак, яхшироқ бўлдик. Бу мутлақо ҳақли ва адолатли ғалаба", - дея Альгуасиль сўзларини келтиради Mundo Deportivo.
