Эмре Жан дисквалификация туфайли “Бавария”га қарши ўйнамайди.
Дортмунднинг “Боруссия” клуби ярим ҳимоячиси Бундеслиганинг 10-турида "Майнц"га қарши ўйинда (1:3) Ли Чже Сунгнинг тўпиғига тўғридан-тўғри зарба бергани учун тўғридан-тўғри қизил карточка олди.
Германия футбол ассоциациясининг спорт суди Жанни Бундеслиганинг 2 та учрашувига дисквалификация қилди. Шу тариқа, "Боруссия" ярим ҳимоячиси 23 ноябрь куни "Фрайбург"га, 30 ноябрь куни "Бавария"га қарши ўйинларни ўтказиб юборади.
10-турдан кейин "Боруссия" Бундеслига турнир жадвалида "Бавария"дан 10 очко ортда қолиб, 7-ўринда бормоқда.
