Marca раҳбари Жуд Беллингем олган мукофотига изоҳ берди.
"Реал" ярим ҳимоячиси Ла Лигада мавсумнинг энг яхши футболчиси учун бериладиган Альфредо Ди Стефано кубогини қўлга киритди.
2023/24 йилги мавсумда Беллингем Ла Лигада "Реал" сафида 28 та ўйин ўтказиб, 19 та гол ва 6 та голли узатмани амалга оширди. Инглиз фақат ҳужумчи Александр Сёрлот ва Артём Довбикка ютқазиб, Испания чемпионатининг учинчи тўпурари бўлди.
Беллингем мукофотни топшириш маросимида бошқа баъзи лауреатлар каби иштирок этмади.
"Реал Мадрид"нинг мукофотларга бўлган тўсатдан пайдо бўлган аллергияси сабабли бу нарса менга тобора камроқ тушунарли бўляпти," - деди Марcа бош директори Хуан Игнасио Гальярдо.
Эслатиб ўтамиз, "Реал" делегацияси "Олтин тўп"ни топшириш маросимини бойкот қилганди, ўшанда клуб совринни "Мадрид" футболчиси олмаслиги маълум бўлганди.
