Fichajes нашри маълумотларига кўра, "Брайтон"га тегишли ва ҳозирда "Лестер"да ижара асосида ўйнаётган 19 ёшли иқтидорли ярим ҳимоячи Факундо Буонанотте "Тоттенхэм" эътиборини тортди.

"Лестер" 19 ёшли аргентиналик футболчининг сифати ва салоҳиятини тан олган ҳолда, ҳужумкор ярим ҳимоячини узоқ вақт жамоада ушлаб туришга ва уни жамоанинг асосий ўйинчиларидан бирига айлантиришга тайёр. "Брайтон" ўз футболчисини 50 миллион еврога сотишга қарши эмас.

Қайд этилишича, Лондоннинг “Тоттенхэм” клуби ҳам қўл қовуштириб ўтирмайди, шунинг учун “шпорлар” Буонаноттени қўлга киритиш учун курашишга тайёр бўлади. Қолаверса, ўзини юқори савияда кўрсатган, АПЛдан хабардор бўлган бундай иқтидорли футболчи учун ҳар икки клуб ҳам керакли суммани тўлашга тайёр.

Жорий мавсумда 19 ёшли Факундо Буонанотте "Лестер" сафида Премьер-лигада 10та ўйинда иштирок этиб, 3та гол ва 2та голли узатмани амалга оширди. Transfermarkt сайти хабарига кўра, унинг нархи 18 миллион еврога баҳоланмоқда.