"Манчестер Сити" ва Испания терма жамоаси ярим ҳимоячиси Родри "Реал" ҳимоячиси Эдер Милитаонинг жароҳати ҳақида фикр билдирди.
"Милитао учун олдинги хоч лигамент жароҳати? Мен ўйинни томоша қилдим ва унга жуда ачиндим. У шунча ойда тузалиб кетди ва энди яна... Унга яхшилик тилайман, у зўр йигит. У кучли бўлишига умид қиламан", - деди Родри El Partidazo de COPE билан суҳбатда.
Эслатиб ўтамиз, бразилиялик футболчи 9 ноябрь куни Испания Ла лигасининг 13-туридан ўрин олган “Осасуна”га қарши ўйинда (4:0) жароҳат олган эди. Футболчи ўз фаолиятида биринчи марта 2023 йил августида худди шундай жароҳат олди, у чап тиззасидаги хоч боғлами ёрилиши туфайли 7 ойга сафдан чиқди.
