"Реал Мадрид" молиявий муаммолар туфайли ўз футболчиларини сотишга тайёр.

Relevo нашри хабарига кўра, қийинчиликлар туфайли бир неча футболчи клубни тарк этиши мумкин. Бу муаммолар бир неча сабабларга кўра пайдо бўлди.

Биринчидан, стадион яқинида яшовчи аҳолининг шикояти туфайли энди "Сантьяго Бернабеу"да концерт ўтказишнинг имкони йўқ. Иккинчидан, аренани реконструкция қилиш учун жуда кўп маблағ сарфланган.

Шунингдек, молиявий қийинчиликларнинг бошланишига сабаб бўлган сабаблар орасида Килиан Мбаппе билан шартнома имзолангани ҳам бор. "Қаймоқранглилар" франциялик ҳужумчи учун жиддий пул сарфлайди.

Эътиборлиси, Килиан ҳозирда клубдаги дахлсиз ягона футболчи. "Реал" ҳатто Винисиус Жуниорни сотишга ҳам тайёр.

Шунингдек, клубни тарк этиши мумкин бўлганлар орасида Андрей Лунин, Аурелиен Тчуамени, Антонио Рюдигер, Федерико Вальверде ва Родриголар ҳам бор.

Эслатиб ўтамиз, аввалроқ Мбаппе психологик муаммолар билан курашаётгани ҳақида хабар берилганди.