Миланнинг "Интер" клуби ярим ҳимоячиси Ҳакан Чалханўғли жамоадошларига Кенан Йилдизнинг хавфи ҳақида айтганини эслади.
Октябрь ойи охирида "нерадзуррилар" "бьянконери" билан дуранг ўйнади (4:4). Айнан ўйинга захирадан майдонга тушган Йилдиз сўнгги дақиқаларда иккита қутқарувчи голни уриб, туринликларга дуранг келтирди.
"Ўйин олдидан жамоадошларимга Йилдизни бўш қўймасликларини айтгандим. Улар буни жиддий қабул қилишмади ва кейин у майдонга тушиб, ўйинни ўзгартирди. Мен уларга: "Сизларга айтдим!" дедим. - деди Чалханўғли шанба куни бўлиб ўтадиган Туркия миллий терма жамоаси ва Уэльс ўртасидаги ўйин арафасида берган интервьюсида.
