Мадриднинг "Реал" клуби ПСВ ҳимоячиси Оливе Боскальига қизиқиш билдирмоқда.
Мадридликлар "Байер" билан ёзда тугайдиган шартномасини узайтиришни режалаштирмаган Жонатан Танинг трансферига умид қилмоқда. Бироқ футболчининг агенти Пини Захави бир вақтнинг ўзида бир нечта жамоалар билан музокара олиб бормоқда, шу боис мадридликлар захира режа тайёрламоқда.
Cadena SER хабарига кўра, клуб ПСВнинг 26 ёшли ҳимоячисини Б режаси сифатида кўриб чиқмоқда. Мадридликлар бир неча йил аввал Франциянинг 21 ёшгача бўлганлар терма жамоасида ўйнаган Боскальини кузатиб тургани айтилади.
Футболчининг Нидерландия клуби билан амалдаги шартномаси мавсум охиригача амал қилади.
