Италиялик собиқ ҳимоячи Марко Матерацци Златан Ибраҳимовичнинг фаолияти ҳақидаги фикрлари билан ўртоқлашди.

Швециялик юлдуз 2022/23 йилги мавсум якунида бутсаларини михга осиб қўйганди. Собиқ ҳужумчининг футболчилик фаолиятидаги сўнгги клуби "Милан" бўлган.

Матерацци Златан ҳақида сўралганда шундай жавоб берди: "Мен Ибраҳимович билан ҳозир алоқада эмасман.

У ўзини дунёнинг энг яхши футболчиси деб ҳисоблайди, лекин мен учун у оддий ҳужумчилардан бири холос.

У кўп нарсаларни ютди, лекин жаҳон чемпионати, Евро ва Чемпионлар лигасида ғалаба қозона олмади.

Биз уни энг яхшилардан бири сифатида эслаймиз, аммо у Роналду ва Мессининг даражасида эмас", - дея италияликнинг сўзларини келтиради журналист Николо Скира.