Мюнхеннинг "Бавария" клуби ҳимоячиси Альфонсо Дэвиснинг манфаатларини ҳимоя қилувчи футбол агенти Недал Хуосе ўз мижозининг "Реал"га ўтиши ҳақидаги маълумотларга изоҳ берди.
"Бу ёлғон. Дэвиснинг кўплаб вариантлари бор, лекин биз ҳали ҳеч ким билан келишиб олганимиз йўқ. "Бавария" билан янги шартнома? Бу эҳтимолий вариантлардан бири," - дея маълум қилди агент.
Альфонсонинг немис гранди билан амалдаги меҳнат шартномаси муддати келаси йилнинг ёзида тугайди. Канадаликнинг бозор қиймати 50 миллион еврога баҳоланмоқда.
