Италиялик ҳужумчи Федерико Кьеза "Ливерпуль"даги фаолиятини давом эттиради. Бу ҳақда Todofichajes портали журналистлари хабар бермоқда.

Манбага кўра, январь ойида футболчи жамоани ўзгартириш истаги ҳақидаги хабарга қарамай, Мерсисайд клуби 27 ёшли футболчи билан хайрлашмасликка қарор қилган. Футболчи инглиз грандидаги ўйин амалиёти миқдоридан норози. Англия чемпионатида Кьеза бор-йўғи битта ўйинда иштирок этди.

Федерико 2024 йилнинг ёзида "Ливерпуль" сафига қўшилди. Томонлар ўртасидаги амалдаги меҳнат шартномасининг муддати 2028 йилда тугайди. Унинг бозор қиймати 30 миллион еврога баҳоланмоқда.