"Бавария" ярим ҳимоячиси Жамол Мусиала яна келажаги ҳақидаги саволларга жавоб берди.

"Ҳозир бор эътиборимни терма жамоа ва "Бавария"да ўйнашга қаратганман. Кўпчилик менинг аҳволимни кузатиб боришини биламан, лекин мен бу ҳақда ўйламасликка ҳаракат қиламан. Мен учун танаффусга қадар соғлом бўлиш ва ўзимнинг энг яхши футболимни ўйнаш муҳим. Кейин бу ҳақда ўйлаб кўришим мумкин. Ўйлайманки, қишки танаффусда кўп нарса маълум бўлади", - деди Мусиала RND билан суҳбатда.

Мусиала 2020 йилдан бери "Бавария"нинг асосий жамоасида ўйнамоқда. Футболчининг клуб билан амалдаги шартномаси 2026 йилнинг июнига қадар тузилган. Transfermarkt портали хабарига кўра, 21 ёшли ярим ҳимоячининг нархи 130 миллион еврони ташкил қилади.