Франция терма жамоаси бош мураббийи Дидье Дешам Миллатлар лигаси гуруҳ босқичи доирасида Италия терма жамоасига қарши ўйин олдидан журналистлар билан суҳбатлашди.
«Иккала терма жамоа ҳам плей-оффга чиқди, Италия ҳозирча гуруҳни бошқариб турибди, лекин биз нима қилишимиз кераклигини биламан. Мен Италияга қайтганимдан доим хурсандман, чунки у ерда ҳам футболчи, ҳам мураббий сифатида ажойиб йилларни ўтказдим, лекин ҳозир мен ўз лавозимимдан бахтиёрман», - дея Дешамнинг сўзларини келтирмоқда «Football Italia».
Франция терма жамоаси эртага, 17 ноябрь куни сафарда Италия терма жамоасига қарши майдонга тушади.
