2023 йилнинг ёзидан бошлаб Н’Голо Канте Саудия Арабистонида ўйнаб келмоқда. Шу билан бирга ярим ҳимоячи ҳамон юқори савиядаги ўйин кўрсатмоқда, бу эса унга Франция терма жамоаси етакчиларидан бири бўлиш имконини беради.
TodoFichajes порталига кўра, "Атлетико Мадрид" Кантени ўз сафига қўшиб олмоқчи. "Матрасчилар" ўтган ёзда франциялик футболчини қўлга киритишга ҳаракат қилишган, аммо бу амалга ошмаган. 2025 йилда мадридликлар яна бир уриниб кўришлари мумкин.
"Атлетико" "Ал-Иттиҳод" билан ҳам, Кантенинг ўзи билан ҳам келишувга эришиши керак. Саудия Арабистонида 33 ёшли франциялик футболчи йилига 100 миллион евро маош олади. "Матрасчилар", албатта, унчалик кўп пул тўламайди. Н’Голо Европа футболига қайтиш учун маошини сезиларли даражада камайтиришга мажбур бўлади.
