"Манчестер Юнайтед" қишки трансфер ойнасида ҳимоянинг чап қанотини кучайтириш ниятида.
"Қизил иблислар"нинг қисқа рўйхатини "Челси"дан Бен Чилуэлл ва "Бенфика"дан Альваро Фернандес (Каррерас) бошқармоқда, деб хабар беради CaughtOffside. Ўйинчилардан бири январь ойида Рубен Аморим жамоаси сафини тўлдириши мумкин.
Чилуэлл бу мавсумда фақат бир марта "Челси"да ўйнаган. 27 ёшли британияликнинг трансфер нархи Transfermarkt портали томонидан 22 миллион еврога баҳоланмоқда.
Фернандес жорий йилнинг ёзигача "Манчестер Юнайтед"да ўйнаган. Манкунликлар 21 ёшли футболчини "Бенфика"га бор-йўғи 6 миллион еврога сотишди, аммо келишувга биринчи навбатда фойдали нархда қайтариб сотиб олиш ҳуқуқини киритишди. Transfermarkt экспертлари испанияликни 8 миллион еврога баҳоламоқда.
