"Арсенал"нинг собиқ ярим ҳимоячиси Жилберто Силва "канонирлар"нинг спорт директори сифатида Эду ўрнини боса оладими, деган саволга жавоб берди.

Ноябрь ойи бошида "Арсенал" "канонирлар" ва Бразилия терма жамоасида Силва билан бирга ўйнаган Эду истеъфога чиққанини эълон қилганди.

Силва Грециянинг "Панатинаикос" клуби техник директори сифатида тажрибага эга, аммо Жилберто "Арсенал" унга иш таклиф қилишига қаттиқ шубҳа қилмоқда.

"Биз Эду билан бир нечта хабар алмашдик, лекин мен ундан нима учун бундай қарорга келганини сўрамадим.

Эду жуда зўр йигит. Менимча, унга клубни тарк этиш қийин бўлди, лекин мен унга яхшилик тилайман. У клуб учун ажойиб иш қилди. Ўйлайманки, клуб уни соғинади. У Микель билан ажойиб муносабатда эди.

Тўғрисини айтсам, бу мен учун катта ажабланиб бўлди, лекин баъзида бундай нарсалар содир бўлади. Умид қиламанки, у қандай қарорга келса ҳам, янги чақирувида бахтли бўлади.

Мен ҳали ҳам клуб билан унинг вакили сифатида муносабатдаман. Эдуни ўрнини эгаллайманми? Келгуси йилларда бундай ниятим йўқ эди, лекин "Панатинаикос"да директор бўлиб ишлашимга тўғри келди. Сўнгги йилларда мен футболда бошқача йўл тутяпман.

Билмайман. Мен бунга бир неча йил олдин тайёргарлик кўрганман ва менга Бразилиянинг турли клублари мурожаат қилишди, лекин мен бу лавозимни эгалламасликка қарор қилдим. Бироқ, "Арсенал" билан боғланиш ҳар доим ажойиб, ҳатто вакил сифатида ҳам", - деди Силва Daily Mirror билан суҳбатда.